Літургія Гадзінаў за памерлых

АФІЦЫЙ У ІНТЭНЦЫІ ПАМЕРЛЫХ

ЮТРАНЬ

Уступ:

Божа, прыйдзі мне на дапамогу,

Пане, паспяшы да мяне на паратунак.

Хвала Айцу і Сыну, і Духу Святому,

Як была спрадвеку, цяпер і заўсёды

І на вякі вечныя. Амэн. Аллелюя

Гімн:

Хрысце, надзея збаўлення,

Наша Жыццё, уваскрасенне

К табе ў смеротнай часіне

Ўзносім сэрцы і вочы.

Ведаеш Ты страх смяротны,

ведаеш жахі канання,

бо ціха, голаў схіліўшы,

аддаў Айцу Богу дух Свой.

Ўзяў на Сябе Ты з любові

мукі і боль чалавечы,

а тых, што церпяць з Табою,

кладзеш на Айцовыя плечы.

Быў да крыжа Ты прыбіты,

рукі раскінуў шырока,

каб тых, хто ў муках канае,

да раны сэрца прыкласці.

Ты перамог моц шатана,
Ты расчыніў брамы неба,

о Божа, вылеч ад ранаў,

дай нам жыццё пасля смерці.

І тыя, целы каторых

спяць у бязмежным спакоі,

у Тваім святле хай прачнуцца,

цябе каб славіць навекі. Амэн.

Псальмодыя

1 ант. Нашы дні, як трава прамінаюць; а Ты, Божа, векавечны.

Псальм 90(89), 1-6

Бог – надзея чалавека

У Пана адзін дзень, як тысяча гадоў, і тысяча гадоў, як адзін дзень (2 П 3, 8)

Божа, Ты быў нам прытулкам

З пакалення ў пакалення.

Перш чым нарадзіліся горы, †

зямлю і сусвет перш чым стварыў Ты, *

Ты – наш Божа з веку і да веку.

Ты вяртаеш у пыл чалавека *

і кажаш: «Вяртайцеся, сыны людскія».

Бо тысячагоддзі прад вачамі Тваімі †

як дзень учарашні, мінулы *

альбо як начная варта.

Ты нібы разводдзем іх зносіш, †

яны нібы сон ранні, *

як трава, што узрастае

Зялёная і квітнеючая ўранні, *

а ўвечары – вяне і сохне.

Вось гэтак нас гняце гнеў Твой, *

турбуе Твая суровасць.

Ты нашы правіны паклаў прад Сабою, *

грахі нашы ўтоеныя прад ззянем Твайго аблічча.

Мера жыцця ў нас – год семдзесят, *

восемдзесят – для найдужэйшых.

Ды большасць з іх– гэта праца і марнота, *

бо плывуць яны шпарка, і мы ўсе адлятаем.

Хто ведае сілу Твайго гневу, *

хто можа вытрымаць Твайго абурэння сілу?

Навучы нас лічыць дні нашы, *

каб набылі мы мудрасць сэрцаў.

Павярніся, о Божа, дакуль чакаць Ты будзеш,

да Сваіх слугаў  май жа літасць.

Умацуй на дасвецці нас Сваёю ласкай, *

на ўсе дні нашы дай радасць і уцеху.

Дай нам радасць замест Твайго прыгнёту, *

за гады, у якіх спазналі мы нядолю.

Няхай слугам Тваім аб’явяцца Твае дзеі, *

а сынам іхнім – Твая слава.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

 ант. Нашы дні, як трава прамінаюць; а Ты, Божа, векавечны.

2 ант. Ад смерці вечнай, * захавай нас, Пане.

Песня Іс 38, 10–14. 17–20

Бог – аздараўленнем паміраючага

Я – жывы, і быў мёртвы ... і маю ключы смерці (Ап 1, 17-18)

Казаў я: у палове маіх дзён,*

Адысці я мушу.

У брамах прадоння мяне пакіне *

гадоў маіх рэшта.

Казаў я: Не ўбачу ўжо Бога *

у жыцця краіне,

Ужо не ўбачу нікога *

між насельнікаў гэтага свету.

Жыллё маё разбяруць, панясуць ад мяне, *

як будан пастухоўскі.

Як ткач, я звінуў сваё жыццё, †

а ніць яго ператнуў Пан, *

ад рання да ночы мяжу мне пазначыў.

Усклікаю я да ранку. *

Ён, нібы леў, мае трушчыць косці.

Пішчу, нібы птушка малая, *

уздыхаю, нібы галубіца.

Стаміліся вочы ад позірку ўгору, *

Пане, стань пры мне, бо гняце мяне ўціск.

І вось душу маю засцярог Ты *

ад бездані пякельнай,

Калі Ты прэч адрынуў *

усе мае правіны.

Айцец абвяшчае дзецям Тваю вернасць. *

Пан нясе мне дапамогу.

Таму граць песні мы будзем на струнах †

у часе дзён сваіх жыццёвых *

у Божай Святыні.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

ант. Ад смерці вечнай, * захавай нас, Пане.

3 ант. Буду славіць Пана* аж да хвіліны смерці.

Псальм 145(146)

Шчаслівыя, хто давярае Богу

Праслаўляем Пана ў нашым жыцці, гэта значыць у паводзінах нашых    (Арнобій)

Праслаўляй, душа мая, Пана†

Буду славіць Яго да канца свайго жыцця*

Пакуль існую, спяваць Пану буду.

Не майце надзеі на вяльможных, *

ды на чалавека, які не дасць вам дапамогі.

Калі душа пакіне яго, зноў ён абернецца ў попел *

і знікнуць яго намеры.

Шчаслівы той, каго выбірае Бог Якуба, *

хто ўскладае надзеі на Пана Бога.

Бо Ён стварыў зямлю і неба, *

і ўсё, што існуе ў іх.

Ён веру зберагае навекі, *

прыгнечаным дае прысуд справядлівы,

Корміць хлебам галодных, *

вязняў з вязніц вызваляе.

Пан вяртае зрок сляпому, †

Бог прыгнечаным дух уздымае *

і набожных любіць.

Пан ахоўвае прыхадняў, †

дапамагае сіротам і ўдовам, *

а бязбожных кіруе на бездарожжа.

Пан валадарыць навекі, *

Бог твой, Сіёне, з роду і ў род далёкі.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

ант. Буду славіць Пана* аж да хвіліны смерці.

Чытанне                                                                                        1 Фес 4, 14

Калі  мы  верым,  што  Езус  Хрыстус  сапраўды памёр і  ўваскрос,  дык тых,  хто памёр уЕзусе Хрысце, Бог уваскрасіць разам з Ім.

Кароткі рэспансорый

С: Я Цябе праслаўлю, Божа, бо прыняў мяне навекі.

У: Я Цябе праслаўлю, Божа, бо прыняў мяне навекі.

С: Змяніў плач мой Ты на радасць.

У: бо прыняў мяне навекі.

С: Хвала Айцу і Сыну і Духу Святому.

У: Я Цябе праслаўлю, Божа, бо прыняў мяне навекі.

Ант. да Песні Захарыя  Я – ваша ўваскрасенні і Жыццё.* Хто верыць у Мяне, хоць бы і памёр, жыць будзе ,* а кожны, хто жыве і верыць у Мяне, жыць будзе навекі.

Песня Захарыі

Благаслаўлёны Пан, Бог Ізраэля,

Бо народ свой наведаў і вызваліў

І ўзбудзіў для нас моц збавенную

У доме слугі свайго Давіда.

Даўно запавядаў Ён

Праз вусны сваіх святых прарокаў,

Што збавіць нас ад нашых непрыяцеляў

І з рукі ўсіх, хто нас ненавідзіць,

Што бацькам нашым будзе міласэрным

І ўспомніць на святыя сваі запаветы,

         На прысягу, якую даў

         Бацьку нашаму Абрагаму.

Да нам гэта, і, вызваленыя з моцаў ворагаў

Служыць Яму будзем без трывогі

         У пабожнасці і справядлівасці перад Ім

         Па ўсе дні нашыя.

А ты, дзіця, будзеш названы прарокам Найвышэйшага,

Калі пойдзеш перад Панам падрыхтаваць Яму дарогі

Народу Ягонаму дапаможаш пазнаць збаўленне

Праз адпушчэнне правінаў

Дзякуючы сардэчнай літасці нашага Бога

З якой наведае нас Узыходзячае Сонца з вышыні,

Каб асвяціць тых, што ў цемры і ценю жывуць,

Каб нашыя крокі скіраваць на шляхі супакою.

Просьбы

Пакорна будзем маліць Пана, Айца Усемагутнага, Які ўваскрасіў Езуса Хрыста і вярнуў да  жыцця  нашыя смяротныя  целы,  і прасіць Яго:

Адары нас жыццём у Езусе Хрысце.

Ойча Святы, разам з Тваім Сынам праз святы хрост мы сталі паглыбленыя ў смерць і ўваскрошаныя да жыцця,

– дапамажы, каб мы ішлі дарогаю новага жыцця і нават пасля смерці маглі жыць усе з Езусам Хрыстом.

Добры Ойча, Ты даў нам для спажывання Хлеб Жыцця, Які сышоў з неба,

– зрабі, каб мы мелі жыццё вечнае і ўваскрэслі ў дзень апошні.

Пане,  Ты  паслаў  Анёла,  каб  ён  узмацняў Твайго Сына ў час Яго прадсмяротных пакут у Садзе Аліўным,

– дай, каб надзея на Цябе прынесла нам суцяшэнне ў хвіліну смерці.

Пане,  Ты  выбавіў  трох  юнакоў  з  полымя агню,

– аберажы душы памерлых ад караў, якія яны церпяць за грахі.

Божа жывых і памерлых, Ты ўваскрасіў да жыцця Езуса Хрыста,

– абудзі памерлых да жыцця і нас разам з імі вядзі

да вечнай славы.

Ойча наш.

Малітва

Усемагутны Божа, выслухай нашыя малітвы, якія  ўзносім  з  вераю  ў  Твайго  Уваскрослага Сына, † і ўзмацні нашу надзею, * што разам з Тваім (Тваёй) слугою N.  (Тваімі слугамі) мы ўсе ўваскрэснем. Праз Езуса Хрыста, Твайго Сына, нашага Пана, † Які з Табою жыве і валадарыць у еднасці Духа Святога, *  Бог праз усе вякі вечныя.

Усе: Амэн.

НЕШПАРЫ

Уступ:

Божа, прыйдзі мне на дапамогу,

Пане, паспяшы да мяне на паратунак.

Хвала Айцу і Сыну, і Духу Святому,

Як была спрадвеку, цяпер і заўсёды

І на вякі вечныя. Амэн. Аллелюя

Гімн:

О, Ўладар Магутны, Хрыстэ,

Ты для славы Айца Бога

І збаўлення ўсіх нас, грэшных

Перамог навалу слерці.

Ты прыняў людскую слабасць,

перамог Ты моц шатана,

бо Сваёю смерцю знішчыў

смерць, што нам падрыхтаваў Ён.

У зянні славы ўстаў з магілы,

моцай таямніцы Пасхі

зноў жыццё Ты нам вяртаеш,

калі грэх у нас памірае.

Дай ажыўчую нам ласку,

каб другім прыйшоўшы разам,

нас застаў падрыхтаваных

у шлях ісці з паходняй-лямпай.

Нас вядзі, Суддзя ласкавы,

у святло й спакой вячысты,

бо праз веру і адданасць мы належым ўжо да Бога.

Да Сябе пакліч таксама

усіх, хто, вызвалены з цела,

у дом Айца ўвайсці хто хоча,

каб Цябе там славіць вечна. Амэн.

Псальмодыя

1 ант. Бог цябе пазбавіць, * ад усяго злога, * Ён душу тваю ўратуе.

Псальм 121(122)

Вартаўнік народа

Яны ўжо не будуць ні галадаць, ні прагнуць, і не будзе паліць іх сонца і ніякая спёка (Ап 7, 16)

Уздымаю я вочы ўгору*

Адкуль прыйдзе мне дапамога?

Мне дапамога ад Пана, *

Які стварыў зямлю і неба.

Не дасць Ён табе спатыкнуцца, *

не задрэмле Ён, бо цябе асцерагае.

Той не засне і не задрэмле, *

хто на варце стаіць Ізраіля.

Бог цябе сцеражэ, †

Пан, цень над табою, *

стаіць пры тваёй правіцы.

Пан будзе нядрэмны пры выйсці тваім і пры вяртанні, *

цяпер і на часы ўсе.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

ант. Бог цябе пазбавіць, * ад усяго злога, * Ён душу тваю ўратуе.

2 ант. Калі ўспомніш, * пра грахі нашы, Пане, * Божа, хто ж ўстаіць.

Псальм130(129)

З глыбіні я клічу

Ён збавіць народ свой ад ягоных грахоў (Мц 1, 21)

З глыбіняў шлю да Цябе голас, Пане, *

Выслухай маю, Божа, просьбу.

Схілі Сваё вуха *

на голас маёй малітвы.

Калі зберажэш памяць аб граху, Пане, *

Божа, хто ж збаўлены будзе?

Але Ты нам даеш дараванне, *

каб Табе ўсе мы служылі.

Надзея мая на Пана, †

душа мая ўскладае надзею на Яго Слова, *

душа мая чакае Бога.

Больш, як варта світанку, *

няхай Ізраіль Пана чакае.

Бо толькі ў Пану ласка, *

у Яго шчодрае збаўленне,

Ён пазбавіць Ізраіль *

ад усіх грахоў ягоных.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

ант. Калі ўспомніш, * пра грахі нашы, Пане, * Божа, хто ж ўстаіць.

3 ант. Як Айцец, * ажыўляе памерлых, * так і Сын ажыўляе ўсіх, * каго хоча.

Песня         Флп 2, 6-11

Езус Хрыстус, будучы ў вобразе Божым, не скарыстаў магчымасці, *

Каб на роўні быць з Богам.

А прынізіў самога Сябе, вобраз слугі прыняўшы, *

і стаў Ён да людзей падобным.

А тым, што вонкава быў прызнаны толькі за чалавека, *

прынізіў Сябе самога.

Калі стаў паслухмяны да самае смерці – *

і смерці крыжовай.

Таму Пан Бог па-над усім Яго узвысіў *

і даў Яму Імя па-над імёнамі ўсімі,

Каб на Імя “Езус” ўкленчыла кожнае калена *

зямных істотаў і нябесных,

І каб абвяшчаў кожны язык чалавека, *

што Панам для хвалы Бога Айца ёсць

Хрыстус Езус.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

ант. Як Айцец, * ажыўляе памерлых, * так і Сын ажыўляе ўсіх, * каго хоча.

Чытанне

Смерць, дзе твая перамога? Дзе, смерць, джала тваё? Джалам смерці з’яўляецца грэх, а сілай граху – Закон. Падзякуем Богу за тое, што Ён дапамог  нам  здабыць перамогу  праз Госпада нашага Ісуса Хрыста.

Кароткі рэспансорый

С: Я Табе паверыў, Пане, * мне не сорамна навекі.

У: Я Табе паверыў, Пане, * мне не сорамна навекі.

С: Радавацца буду* з міласэрнасці Тваёй.

У: мне не сорамна навекі.

С: Хвала Айцу і Сыну і Духу Святому.

У: Я Табе паверыў, Пане, * мне не сорамна навекі.

Ант. да Песні Марыі Усе, каго дае Айцец Мне,* да Мяне прыйдуць.* А таго, хто да Мяне прыходзіць,* ад сябе не адпрэчу.

Песня Марыі

Магніфікат

Велічае душа мая Пана

І радуецца дух мой у Богу, маім Збаўцы,

         Бо ўзглянуў на паніжэнне сваёй Слугі

І адгэтуль праслаўляць мяне будуць усе пакаленні.

Бо вялікія рэчы здзейсніў мне Ўсемагутны,

А Імя Яго святое,

         Яго міласэрнасць з пакалення ў пакаленне

         Над тымі, хто Яго баіцца.

Паказаў моц свайго пляча,

Раскінуў тых, што ганарыліся планамі свайго сэрца,

         Скінуў валадароў з іх тронаў,

         А ўзвысіў пакорных,

Галодных дабром насыціў,

А багачоў з нічым пакінуў.

         Паглядзеў на свайго слугу, Ізраіля,

         Памятаючы пра сваю міласэрнасць,

Як абяцаў бацькам нашым –

Абрагаму і яго патомству навекі.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

Ант. да Песні Марыі Усе, каго дае Айцец Мне,* да Мяне прыйдуць.* А таго, хто да Мяне прыходзіць,* ад сябе не адпрэчу.

Просьбы

Спадзяёмся, што Езус Хрыстус зробіць падобным наша цела, падлеглае распаду, да Свайго Хвалебнага Цела, таму будзем маліцца Яму і прасіць:

Ты – нашае Жыццё і Уваскрасенне.

Езу Хрысце, Сын Бога жывога, Ты ўваскрасіў да жыцця свайго сябра Лазара,

– абудзі да жыцця ў хвале памерлых, якіх Ты адкупіў найдаражэйшай Крывёю Сваёй.

Езу Хрысце,  Суцяшальнік засмучаных,  Ты, уваскрашаючы Лазара, юнака з Наіна і дачку Яіра, выцер слёзы з вачэй іх родных,

– суцеш усіх тых, хто аплаквае сваіх памерлых.

Езу Хрысце,  Збаўца наш,  знішчай у нашым целе панаванне граху, бо праз яго мы заслужылі, каб плаціць смерцю,

– зрабі, каб мы атрымалі ў Табе жыццё вечнае.

Езу Хрысце, Адкупіцель наш, глянь на тых, хто, не ведаючы Цябе, не мае надзеі,

– дапамажы, каб мы паверылі ва ўваскрасенне і жыццё вечнае ў будучым свеце.

Езу Хрысце, Ты вярнуў зрок сляпому і даў яму магчымасць бачыць Цябе,

–  пакажы  Сваё  аблічча  памерлым,  якія  яшчэ пазбаўлены Твайго Святла вечнага.

Езу Хрысце, Ты дазваляеш, каб развальваўся дом нашага часовага жылля,

– дай нам вечнае жыллё на небе, у нерукатворным доме.

Ойча наш.

Малітва

Усемагутны Божа, выслухай нашыя малітвы, якія нясём з вераю ў Твайго Ўваскрэслага Сына, † і ўзмацні нашу надзею, * што разам з Тваім (Тваёй)  слугою  N.  (Тваімі слугамі) мы  ўсе  ўваскрэснем.  Праз Езуса Хрыста, Твайго Сына, Пана нашага і Бога, † Які з Табою жыве і валадарыць у еднасці Духа Святога, * праз усе вякі вечныя. Амэн.

матэрыял з http://breviarby.blogspot.com/p/blog-page_976.html